Lobos Sucios

 Lobos Sucios é a historia dunha época na que nazis e aliados libraban unha singular batalla no interior de Galicia durante a II Guerra Mundial. Trátase da revolución mineira do volframio ([wolf=lobo], [ram=sucio]) que neste documental descúbrese a partires do desenterramento dun corpo, o desenterramento da memoria e o desenterramento dunha lenda.

FICHA TÉCNICA

  • Título: Lobos sucios
  • Ano: 2006
  • Duración: 30 minutos
  • Idioma: Galego, castelán
  • Dirección, guión e produción: Felipe Rodríguez
  • Axudante de dirección: Belén González
  • Imaxe: Vitorino Lourido, Sergi Moreno
  • Montaxe: Felipe Rodríguez
  • Son: Joaquín García
  • Directora de produción: Silvia Balanza
  • Axudantes de produción: Cristina de la Torre, Marco Fernández
  • Colaboración produción executiva: Domingo D. Docampo
  • Produtora: Long Island
  • Interveñen: Miguel Ángel Cardeñas, Eva Abal, Isidro García Tato, Santiago Macías, Pascual Bayo, Manuela Valle, Andrés Vázquez, Moisés Maestre, Daniel Maestre, Miguel Vega, Jose Elio Maestre, Miguel Vega e Manuel Rivas.

TRÁILER

NOTAS DO DIRECTOR

«O levantamento do cadáver de Miguel Cardeñas en Valdeorras no ano 2003 foi o primeiro realizado pola Asociación pola Recuperación da Memoria Histórica en Galicia. A partires deses restos reconstruiuse a historia deste maquis andaluz, preso na mina de Casaio onde os alemáns extraían volframio durante o franquismo.

Coñecida como “a cidade dos alemáns”, esta mina sitúase en pena Trevinca, unha das montañas máis altas de Galicia e foi construida e dirixida por nazis durante a II Guerra Mundial. Lobos Sucios recolle as testemuñas das persoas que traballaron nesas minas e das familias que saían ós montes a roubar o cotizado mineral, mentras axentes secretos británicos e americanos intentaban frear a exportación de volframio a Alemaña.

O escritor galego Manuel Rivas aporta o seu peculiar estilo e punto de vista sobre esta historia. Unha terceira liña narrativa que pretende recoller a atmósfera de misterio e fábula que envolve a figura do lobo, a traveso de imaxes do animal gravadas nas outras liñas narrativas (montes, aldeas, minas…). Ó fin e ó cabo, pode ser un dos contos tradicionais propios de Galicia.»

COLOQUIO